«Манчестер Юнайтед» кеча «Бёрнли»ни мағлуб этди. Бруно Фернандеш биринчи бўлим охирида Эванснинг узатмасидан сўнг ўйиндаги ягона голга муаллифлик қилди.

Шундан сўнг Эванс учрашув ҳақида гапирди. 

«Менга ўйиннинг ҳар бир дақиқаси ёқди. Ўйин олдидан менда ўзгача туйғу бор эди - мен баҳсни ортиқча кута олмадим, шунчаки ҳаяжон кўп эди.

Бу менинг «Манчестер Юнайтед»даги 200-ўйиним бўлди, мен ҳеч қачон бунга эришаман деб ўйламагандим. Бу унутилмас онлар эди», - дея Эванснинг сўзларини келтиради инсайдер Фабрицио Романо.

35 ёшли ҳимоячи «Манчестер Юнайтед» тарбияланувчиси ҳисобланади.