Madridning «Real» klubi hali ham Kilian Mbappe uchun kurashdan chiqqani yo‘q, ammo boshqa variantlarni ham ko‘rib chiqmoqda.
Masalan, «Tottenxem» yetakchisi Son Xyon Min madridliklarning radarida bo‘lib turibdi. Bu haqda TodoFichaes o‘z sahifalarida «qaymoqranglilar»ga yaqin manbalarga tayanib xabar berdi.
Qayd etilishicha, Son yuqoriroq martabaga ko‘tarilishni xohlaydi, chunki u ko‘proq sovrinlarni qo‘lga kiritishni kutmoqda. Chempionlar ligasida g‘alaba qozonishni orzu qiladi.
Kelasi yozda 32 yoshga to‘ladigan koreyalik futbolchi mavsum yakunida ketmasa, klubini o‘zgartirishi qiyin bo‘lishini tushunadi.
