7-11-oktyabr kunlari Farg‘ona shahri 2024 yilgi futzal bo‘yicha Osiyo kubogi saralash bosqichi o‘yinlariga mezbonlik qilishidan xabaringiz bor.
O‘FA rahbariyati saralash o‘yinlariga tayyorgarikni ko‘zdan kechirish maqsadida Farg‘ona viloyatida bo‘ldi. O‘yinlar o‘tkaziladigan «Samo» majmuasining maydoni o‘rganilib, kiyim almashtirish xonalari, matbuot anjumani zali va ma’muriy ob’ektlarni xalqaro musobaqa standartlariga muvofiqlashtirish, aniqlangan kamchiliklarni bartaraf etish bo‘yicha mas’ullarga topshiriq berildi.
Eslatib o‘tamiz, O‘zbekiston futzal milliy terma jamoasi Osiyo kubogi saralash bosqichida Iroq, Malayziya va Kambodjaga qarshi o‘yin o‘tkazadi. Barcha uchrashuvlar Farg‘ona shahrida bo‘lib o‘tadi.
