Londonning “Arsenal” klubi bosh murabbiyi Mikel Arteta qishki transfer oynasida klub yangi hujumchi sotib oladimi, degan savolga javob berdi.
"Gol urishning ko‘plab usullari bor va biz buni qilamiz. Ammo jamoa yaratadigan imkoniyatlar bilan biz ko‘proq gol urishimiz kerak. Hoo‘zir biz yangi forvard sotib olish haqida o‘ylayotganimiz yo‘q. "Arsenal"da juda yaxshi hujumkor o‘yinchilar bor. Biz mavsumni hozir tarkibda bo‘lgan futbolchilar bilan davom ettiramiz", - dedi Arteta Sky Sports bilan suhbatda.
Angliya chempionatining olti turi yakunlariga ko‘ra, London jamoasi turnir jadvalida beshinchi o‘rinni egallab turibdi.
