Fransiyaning “PSJ” klubi darvozaboni Keylor Navas Yevropani tark etib, MLSga o‘tishi mumkin. Todofichajes jurnalistlarining yozishicha, "Neshvill" darvozabon xizmatlariga qiziqish bildirmoqda. Amerika klubi tajribali futbolchini yanvar oyidagi transfer oynasida qo‘lga kiritishi mumkin.
Navas parijliklar jamoasida 2019 yilning sentyabridan buyon o‘ynab kelmoqda. "PSJ" va 36 yoshli darvozabon o‘rtasidagi amaldagi shartnoma kelasi yilning o‘rtalariga qadar tuzilgan. Keylorning transfer narxi 4 million yevro.
O‘tgan mavsumda darvozabon "Nottingem Forest"da ijara asosida o‘ynadi. U Premyer-liganing 17ta o‘yinida qatnashib, o‘z darvozasidan 32ta gol o‘tkazib yuborgan.