Huquqlari "Milan"ga tegishli bo‘lgan himoyachi Davide Kalabriya Yevropaning ikki top-klubi manfaatlari doirasida. Bu haqda insayder Ekrem Konur ijtimoiy tarmoqlar orqali xabar berdi.
Jurnalistning xabar berishicha, Kalabriyaning transferiga "Real" va Angliyaning "Manchester Yunayted" klublari qiziqish bildirmoqda. O‘z navbatida, "rossonerilar" rahbariyati futbolchini o‘zida saqlab qolmoqchi va u uchun yangi shartnoma tayyorlamoqda.
26 yoshli himoyachi 2015 yilning yozidan buyon milanliklar safida to‘p surmoqda. Tomonlar o‘rtasidagi amaldagi kelishuv muddati 2025 yilning iyun oyi oxirigacha hisoblangan. Transfer narxi 20 million yevroga baholanmoqda.