Ҳуқуқлари "Милан"га тегишли бўлган ҳимоячи Давиде Калабрия Европанинг икки топ-клуби манфаатлари доирасида. Бу ҳақда инсайдер Экрем Конур ижтимоий тармоқлар орқали хабар берди.
Журналистнинг хабар беришича, Калабриянинг трансферига "Реал" ва Англиянинг "Манчестер Юнайтед" клублари қизиқиш билдирмоқда. Ўз навбатида, "россонерилар" раҳбарияти футболчини ўзида сақлаб қолмоқчи ва у учун янги шартнома тайёрламоқда.
26 ёшли ҳимоячи 2015 йилнинг ёзидан буён миланликлар сафида тўп сурмоқда. Томонлар ўртасидаги амалдаги келишув муддати 2025 йилнинг июн ойи охиригача ҳисобланган. Трансфер нархи 20 миллион еврога баҳоланмоқда.