«Liverpul»ning sobiq himoyachisi Jeymi Karrager «Manchester Yunayted» bosh murabbiyi Erik Ten Xag va vinger Jeydon Sancho o‘rtasidagi mojaro haqida gapirdi.
Eslatib o‘tamiz, angliyalik futbolchi noma’lum muddatga o‘yinlardan chetlashtirildi.
«Sancho bilan bog‘liq vaziyatda men Ten Xagni qo‘llab-quvvatlayman. Biz har doim Klopp va Gvardiola qanchalik kuchli ekanligi haqida gapiramiz.
Xosep Joau Kanseludek futbolchini osongina qo‘yib yubordi. Ular bunday vaziyatlarni osonlikcha yengishadi, shuning uchun ham ular Ser Aleks Fergyuson kabi kuchli va shafqatsiz sanaladi. Biz bunday murabbiylarni qadrlaymiz, nega endi Ten Xag bilan boshqacha bo‘lishi kerak», - dedi Karrager.
