Londonning "Arsenal" klubi bosh murabbiyi Mikel Arteta "Brentford"ga qarshi kubok o‘yini haqida fikr bildirdi. “Kanonirlar” 1:0 hisobidagi minimal g‘alabani tantana qilishdi.
"Barcha futbolchilarimning o‘yinidan mamnunman. Ayniqsa, hozir jamoada jarohat olgan futbolchilar ko‘p. Ushbu bahsda g‘alaba qozonish yo‘lini topa olganimizdan juda xursandmiz. Biz Liga kubogida ishtirok etishda davom etishni istaymiz", - dedi Arteta klub matbuot xizmatiga.
Musobaqaning navbatdagi bosqichida Arteta shogirdlari Londonning “Vest Xem” jamoasiga qarshi bahs olib boradi.
Angliya chempionatida “Arsenal” olti turdan keyin beshinchi o‘rinni egallab turibdi.
