Лондоннинг "Арсенал" клуби бош мураббийи Микель Артета "Брентфорд"га қарши кубок ўйини ҳақида фикр билдирди. “Канонирлар” 1:0 ҳисобидаги минимал ғалабани тантана қилишди.
"Барча футболчиларимнинг ўйинидан мамнунман. Айниқса, ҳозир жамоада жароҳат олган футболчилар кўп. Ушбу баҳсда ғалаба қозониш йўлини топа олганимиздан жуда хурсандмиз. Биз Лига кубогида иштирок этишда давом этишни истаймиз", - деди Артета клуб матбуот хизматига.
Мусобақанинг навбатдаги босқичида Артета шогирдлари Лондоннинг “Вест Хэм” жамоасига қарши баҳс олиб боради.
Англия чемпионатида “Арсенал” олти турдан кейин бешинчи ўринни эгаллаб турибди.
