Osiyo O‘yinlarida ayollar futbolida guruh bosqichi yakuniga yetdi. "A" guruhida ishtirok etgan O‘zbekiston ayollar terma jamoasi bugun Xitoyga qarshi bahsda ishtirok etdi.

Mazkur bahsda mezbonlar 6:0 hisobida g‘alaba qozonishdi.

Minori Xonda shogirdlari 1-turda Mo‘g‘uliston ustidan shunday hisobda zafar quchgandi. 3 ochko va yuzaga kelgan 6-6 ko‘rinishidagi to‘plar farqi tufayli jamoamiz guruhlarda 2-o‘rinni egallaganlar orasida eng yaxshi natija qayd etdi.

Shu bois, ayollar terma jamoamiz chorak final yo‘lanmasini qo‘lga kiritdi. Qizlarimiz 30 sentyabr kuni Xitoy Taypeyiga qarshi yarim final yo‘llanmasi uchun maydonga tushishadi.