Saudiyaning “An-Nasr” klubining asosiy yulduzi Krishtianu Ronaldu milliy chempionatda “At-Tai” ustidan qozonilgan g‘alaba haqida fikr bildirdi.
“Yana bir muhim g‘alaba. Ketma-ket to‘qqiz ochko. Yaxshi ish, bolalar. Biz xuddi shunday ruhda davom etishimiz kerak”, - deb 38 yoshli hujumchi ijtimoiy tarmoqlarda xabar qoldirdi.
Eslatib o‘tamiz, uchrashuv 2:1 hisobida “An-Nasr” foydasiga hal bo‘lgandi. Uchrashuv yakunida Krishtianu 11 metrlik nuqtadan hal qiluvchi golni kiritdi.
Saudiya Arabistoni chempionatining joriy mavsumida Ronaldu yettita o‘yin o‘tkazib, o‘nta gol (uchtasi penaltidan) va beshta golli uzatmani amalga oshirdi.
