"Barselona" boshqaruvchisi Xavi Ernandes Serxio Ramosning muvaffaqiyatsizligi haqida o‘z fikrini aytdi.
“Sevilya”ning 37 yoshli himoyachisi “Barselona” bilan uchrashuvning 76-daqiqasida to‘pni o‘z darvozasiga yo‘lladi. Uning avtogoli kataloniyaliklarga minimal hisobdagi g‘alaba keltirdi.
“Serxio ajoyib himoyachi. Uning shu yoshda eng yuqori saviyada o‘ynashini ko‘rish juda ajoyib. Men uni namunali mutaxassis deb bilaman va unga eng yaxshi tilaklarimni tilayman. Bugun unga avtogol sabab omad kulib boqmadi", - dedi Ispaniya terma jamoasida avval Ramos bilan birga o‘ynagan Xavi o‘yindan keyingi matbuot anjumanida.
“Barselona” 8 turdan keyin 20 ochkoga ega. Bir o‘yin kam o‘tkazgan “Sevilya” hisobida yetti ochko bor.
