"Барселона" бошқарувчиси Хави Эрнандес Серхио Рамоснинг муваффақиятсизлиги ҳақида ўз фикрини айтди.
“Севилья”нинг 37 ёшли ҳимоячиси “Барселона” билан учрашувнинг 76-дақиқасида тўпни ўз дарвозасига йўллади. Унинг автоголи каталонияликларга минимал ҳисобдаги ғалаба келтирди.
“Серхио ажойиб ҳимоячи. Унинг шу ёшда энг юқори савияда ўйнашини кўриш жуда ажойиб. Мен уни намунали мутахассис деб биламан ва унга энг яхши тилакларимни тилайман. Бугун унга автогол сабаб омад кулиб боқмади", - деди Испания терма жамоасида аввал Рамос билан бирга ўйнаган Хави ўйиндан кейинги матбуот анжуманида.
“Барселона” 8 турдан кейин 20 очкога эга. Бир ўйин кам ўтказган “Севилья” ҳисобида етти очко бор.
