Jennaro Gattuzo «Marsel» futbolchilarini rag‘bat sifatida uradi.

Italiyalik mutaxassis 27 sentyabr kuni klubni qabul qilib oldi va mashg‘ulotlar jarayoniga o‘zgartirishlar kiritib bo‘ldi.

L’Equipe xabariga ko‘ra, Gattuzo futbolchilarning yelkasiga zarba beradi, ba’zilarida esa buning natijasida ko‘karishlar qoladi.

Jennaro buni jazo sifatida emas, balki mukofot sifatida qiladi: u o‘yinchilarni mashg‘ulotlarni to‘g‘ri bajarganliklari uchun shunday mukofotlaydi.

Qayd etilishicha, o‘yinchilarga murabbiyning noodatiy xatti-harakatlari yoqadi. Gattuzo tezda jamoa bilan ijobiy tarzda kirishib ketdi.

Bugun «Marsel» yangi murabbiy bilan ilk uchrashuvini o‘tkazadi. Jamoa Liga 1 doirasida safarda «Monako»ga qarshi bahs olib boradi.