Женнаро Гаттузо «Марсель» футболчиларини рағбат сифатида уради.
Италиялик мутахассис 27 сентябрь куни клубни қабул қилиб олди ва машғулотлар жараёнига ўзгартиришлар киритиб бўлди.
L’Equipe хабарига кўра, Гаттузо футболчиларнинг елкасига зарба беради, баъзиларида эса бунинг натижасида кўкаришлар қолади.
Женнаро буни жазо сифатида эмас, балки мукофот сифатида қилади: у ўйинчиларни машғулотларни тўғри бажарганликлари учун шундай мукофотлайди.
Қайд этилишича, ўйинчиларга мураббийнинг ноодатий хатти-ҳаракатлари ёқади. Гаттузо тезда жамоа билан ижобий тарзда киришиб кетди.
Бугун «Марсель» янги мураббий билан илк учрашувини ўтказади. Жамоа Лига 1 доирасида сафарда «Монако»га қарши баҳс олиб боради.
