"Liverpul" bosh murabbiyi Yurgen Klopp "Tottenxem"dan uchralgan mag‘lubiyatdan so‘ng (1:2) hakamlardan noroziligini bildirdi. Mersisaydliklar o‘yinda ikki kishi kam bo‘lib qolib, yakunda durangni qo‘ldan boy berishdi.

“Men hech qachon jamoa bilan bugungidek faxrlanmaganman. Va men hech qachon bunday adolatsiz holatlar va aqldan ozgan qarorlar bilan o‘yin ko‘rmaganman.

Biz avtogol sabab mag‘lub bo‘ldik, bu qiyin, lekin men faxrlanaman. Birinchi chetlatish vaziyatida Kyortis to‘pga qadam qo‘ygandi. Bu qizil kartochka emas edi. Sekinlashtirilgan kadrda u to‘pga qadam bosgan va keyin oyog‘i sirg‘alib ketganga o‘xshaydi. Jota bilan vaziyatda birinchi sariq kartochka yo‘q edi. Va keyin u ikkinchisini oldi va biz sakkizta futbolchi bilan himoyalanishimiz lozim bo‘ldi, bu juda qiyin.

Agar biror narsa qurmoqchi bo‘lsang, ruhiyati kuchli futbolchilar kerak. Buni bugun futbolchilarimda ko‘rdim, ular kurashdilar. Bu kecha o‘zgacha bo‘ldi", - dedi Klopp Sky Sports nashriga.

Eslatib o‘tamiz, “Liverpul” so‘nggi olti oy ichida ilk bor APL o‘yinida mag‘lub bo‘ldi.