Odatda, esda qolarli o‘yinlardan so‘ng, futbolchilar ko‘pincha o‘zlari bilan o‘yin to‘plaridan birini olib ketishadi. Lautaro Martines ham xuddi shunday qildi - "Inter" hujumchisi shanba kuni Italiya chempionatining "Salernitana"ga qarshi o‘yinida zaxiradan maydonga tushganidan so‘ng, poker qayd etdi. O‘yindan so‘ng Martines to‘pni qayerga qo‘yishi haqidagi savolga javob berdi.
"Yaqinda tug‘ilgan o‘g‘limga olib boraman. Men to‘rtta gol urdim, shuning uchun to‘pni unga beraman" - dedi Martines "Inter" klubi telekanalida.
"Inter" navbatdagi o‘yinini 3 oktyabr, seshanba kuni o‘tkazadi. Simone Indzagi shogirdlari Chempionlar ligasi guruh bosqichi 2-turida "Benfika"ni qabul qiladi.
