Rimning "Roma" klubida faoliyat yuritayotgan portugaliyalik murabbiy Joze Mourinyo kelajagi haqida gapirdi.

"Jurnalistlar mening kelajagimni muhokama qilishda davom etmoqdalar, lekin men buni qilmoqchi emasman. "Roma" bilan shartnoma hozir mening kelajagim. Bu men uchun juda jiddiy. Murabbiy klub bilan tuzilgan kelishuvni hurmat qilishi va bu borada izoh bermasligi kerak", - dedi Mourinyo getfootballnewsitaly bilan suhbatda.

Mourinyo 2021 yilning yozidan buyon Rim klubini boshqarib kelmoqda. "Bo‘rilar" va 60 yoshli mutaxassis o‘rtasidagi amaldagi shartnoma kelasi yilning o‘rtalariga qadar mo‘ljallangan.