Xanchjoudagi Osiyo O‘yinlarida O‘zbekiston delegasiyasi hisobiga 14-oltin medal qo‘shildi.

Yengil atletikaning ayollar o‘rtasidagi balandlikka sakrash yo‘nalishida oltin va kumush medallari o‘zbekistonliklarga nasib etdi.

Sportchilar birin-ketin bahslardan chiqib ketgach, oxirida Safina Sa’dullayeva, Svatlana Radzivil va qozog‘istonlik Nadejda Duboviskaya qoldi. Har uch sportchi 189 sm balandlikdan sakrab o‘ta olmadi. Faqatgina 186 sm balandlikni Sa’dullayeva birinchi urinishda, Radzivil ikkinchi urinishda, Duboviskaya esa uchinchi urinishda zabt etgani uchun medallar taqsimoti mana shu ketma-ketlikda bo‘ldi.

Natijada O‘zbekiston delegasiyasi hisobidagi oltin medallar soni 14 taga yetdi va biz hindistonni quvib o‘tgan holda 4-o‘ringa ko‘tarilib olgandik. Ammo oradan ko‘p o‘tmay hindlar ham yana bitta oltin medalni qo‘lga kiritib, yana 4-pog‘onaga qaytishdi.

Ma’lumot o‘rnida. O‘zbekiston ayollar o‘rtasida balandlikka sakrash yo‘nalishida ketma-ket 4 ta Osiyo O‘yinlarida oltin medalni qo‘lga kiritmoqda. Bundan tashqari, ushbu musobaqalarda qizlarimiz albatta kumush yoki bronza medallariga ega chiqmoqda.

Guangjou-2010. Radzivil (oltin), Dusanova (kumush)
Incheon-2014. Radzivil (oltin), Dusanova (bronza)
Jakarta-2018. Radzivil (oltin), Dusanova (kumush)
Xanchjou-2022. Sa’dullayeva (oltin), Radzivil (kumush)