Shanba kuni «Liverpul» safarda «Tottenxem»ga 1:2 hisobida imkoniyatni boy berdi. O‘shanda hakam adashib Luis Diasning golini hisobga olmadi.

Agar bu xato bo‘lmaganida, natija boshqacha bo‘lishi mumkin edi, shuning uchun mersisaydliklarning shikoyatlarini tushunish mumkin.

Daily Mail xabariga ko‘ra, «Liverpul» allaqachon hakamlarning o‘sha paytdagi suhbatlari audioyozuvlarini olgan.

«Qizillar»ga endi keyingi qadamlari haqida qaror qabul qilishdan oldin lentani o‘rganish uchun vaqt kerak. Ta’kidlanishicha, ularda bir nechta variantlar mavjud.

«Liverpul» Angliya Premyer-ligasining navbatdagi o‘yinini 8-oktyabr, yakshanba kuni mehmonda «Brayton»ga qarshi o‘tkazadi.