Nacho Fernandes La Liganing 3 ta o‘yiniga diskvalifikasiya qilindi.
Eslatib o‘tamiz, La Liganing 8-tur uchrashuvida “Real” himoyachisi 93-daqiqada “Jirona” futbolchisi Kristian Portuga qo‘pollik qilgani uchun to‘g‘ridan-to‘g‘ri qizil kartochka oldi. Kataloniyalik yarim himoyachi maydondan zambilda olib ketildi, ammo jiddiy jarohatdan qutulib qoldi.
Raqobat qo‘mitasi Nachoni La Liganing uchta o‘yiniga diskvalifikaciya qildi va 600 yevro jarimaga tortdi. "Real" 1050 yevro miqdorida jarima to‘lashga majbur bo‘ldi.
Shu tariqa, Nacho Ispaniya chempionatida "Osasuna", "Sevilya" va "Barselona"ga qarshi o‘yinlarni o‘tkazib yuboradi.