Madridning “Real” klubi yarim himoyachisi Jud Bellingem Chempionlar ligasi guruh bosqichi 2-turida “Napoli” ustidan qozonilgan g‘alaba (3:2) haqida fikr bildirdi. Angliyalik futbolchi uchrashuvning eng yaxshi futbolchisi deb topildi.
"Mening o‘yinim? Darhaqiqat, men o‘yinni yana bir bor ko‘rib chiqmagunimcha tahlil qilmayman. Lekin men xursandman va endi bor e’tiborimizni keyingi o‘yinga qaratamiz.
O‘sha gol paytida men erkin zona paydo bo‘layotganini ko‘rganimda, u yerga kirib, zarba berishim mumkinligini angladim. Bu ajoyib oqshom bo‘ldi: biz o‘z imkoniyatlarimizdan unumli foydalandik va o‘yinda g‘alaba qozondik", - deya Bellingemning so‘zlarini keltiradi UYEFA matbuot xizmati.
“Real” 6 ochko bilan “C” guruhida yakka peshqadamga aylandi. 3 ochko bilan “Napoli” 2-o‘rinda bormoqda.
