Bilbaoning "Atletik" klubi hujumchisi Niko Uilyams hozirgi jamoasi bilan shartnomasini uzaytirishga yaqin turibdi. Sport.es xabariga ko‘ra, futbolchi tez orada basklar bilan yangi shartnoma imzolashi kutilmoqda.
Eslatib o‘tamiz, Uilyamsga avvalroq bir qancha klublar qiziqish bildirayotgan edi. “Barselona” futbolchini diqqat bilan kuzatdi. Ispaniya terma jamoasi futbolchisiga Angliyaning "Brayton" jamoasi ham qiziqish bildirgan.
Joriy Ispaniya chempionatida Uilyams 5 o‘yin o‘tkazib, ikkita golli uzatmani amalga oshirdi.
