«Barselona» yarim himoyachisi Gavi bolaligida kimning o‘yinlaridan ilhomlangani haqida gapirdi.

Avgust oyida o‘zining 19 yoshini nishonlagan ispaniyalik futbolchi yaqinda «Barselona» asosiy jamoasida 100 ta o‘yin o‘tkazdi.

Bolalikdagi kumirlari haqidagi savolga javob berar ekan, «Barselona» bitiruvchisi kutilgan holda mahalliy afsonalardan birini nomini aytdi, biroq bu bilan to‘xtab qolmadi: «Birinchi navbatda, bu Inyesta, shuningdek, Isko va Verratti ham bu ro‘yxatda bor», deya Gavining so‘zlaridan iqtibos keltirmoqda ispan OAV.