"Barselona" bosh murabbiyi Xavi Chempionlar ligasi guruh bosqichi 2-turining birinchi bo‘limida "Portu"ga (1:0) qarshi o‘yinda hujumchi Robert Levandovski almashtirilgani haqida fikr bildirdi. 36-daqiqada Levandovski jarohati sabab maydonni tark etdi. Uning o‘rnini 23 yoshli ispaniyalik Ferran Torres egalladi.

"U to‘pig‘iga juda yomon zarba qabul qilib oldi, bu esa o‘yinni davom ettirishga xalaqit berdi. Ko‘ramiz, u yakshanba kuniga qadar tuzalib ketadimi yoki yo‘qmi", - deya Xavi so‘zlarini keltiradi Marca.

Ikki turdan keyin “Barselona” olti ochko bilan o‘z guruhida peshqadamlik qilmoqda. Eslatib o‘tamiz, Kataloniya klubi 1-tur uchrashuvida "Antverpen"ni 5:0 hisobida mag‘lub etgandi.