Dortmundning “Borussiya” klubi darvozaboni Gregor Kobel Chempionlar ligasi guruh bosqichi 2-turida “Milan”ga qarshi kechgan (0:0) uchrashuvdagi durang natijasi haqida gapirdi.
"O‘z o‘yinim haqida nima deb o‘ylayman? Men hamma narsadan mamnunman. Bir nechta xavfli zarbalarni qaytarishga muvaffaq bo‘ldim. O‘ylaymanki, biz ajoyib o‘yin o‘tkazdik va bir ochkoni qo‘lga kiritdik. Ammo hozircha "Borussiya" turnir jadvalining eng quyi pog‘onasida joylashgan. Jamoa hujumda yaxshilanishi kerak. Axir biz hali Chempionlar ligasida gol ura olmadik”, - deydi darvozabon.
Eslatib o‘tamiz, UEFA Chempionlar ligasi guruh bosqichining navbatdagi turida “Borussiya” safarda Angliyaning “Nyukasl” jamoasi bilan uchrashadi.
