Дортмунднинг “Боруссия” клуби дарвозабони Грегор Кобел Чемпионлар лигаси гуруҳ босқичи 2-турида “Милан”га қарши кечган (0:0) учрашувдаги дуранг натижаси ҳақида гапирди.
"Ўз ўйиним ҳақида нима деб ўйлайман? Мен ҳамма нарсадан мамнунман. Бир нечта хавфли зарбаларни қайтаришга муваффақ бўлдим. Ўйлайманки, биз ажойиб ўйин ўтказдик ва бир очкони қўлга киритдик. Аммо ҳозирча "Боруссия" турнир жадвалининг энг қуйи поғонасида жойлашган. Жамоа ҳужумда яхшиланиши керак. Ахир биз ҳали Чемпионлар лигасида гол ура олмадик”, - дейди дарвозабон.
Эслатиб ўтамиз, УEФА Чемпионлар лигаси гуруҳ босқичининг навбатдаги турида “Боруссия” сафарда Англиянинг “Ньюкасл” жамоаси билан учрашади.