«Galatasaroy» hujumchisi Mauro Ikardi o‘tgan yozda «Inter»ga qaytishga harakat qildi.

Tuttosport xabariga ko‘ra, argentinalik o‘z atrofidagilarga transferni tashkil qilishni aytgan, biroq «neradzurrilar» o‘z sobiq sardorining xizmatidan bosh tortgan.

Eslatib o‘tamiz, Ikardi bungacha «Inter»da 6 mavsum o‘tkazgan va shu vaqt ichida u 100 dan ortiq gol urgan va klub tarixidagi eng yaxshi to‘purarlar 10taligiga ko‘tarilgandi.

O‘tgan yozda Mauro «PSJ»dan 10 million yevro evaziga «Galatasaroy»ga o‘tdi.

Argentinalik futbolchi o‘tgan mavsumda ham ijara asosida turk jamoasida o‘ynadi. Ikardining joriy mavsum Turkiya chempionatida 7 ta goli bor.