«Галатасарой» ҳужумчиси Мауро Икарди ўтган ёзда «Интер»га қайтишга ҳаракат қилди.

Tuttosport хабарига кўра, аргентиналик ўз атрофидагиларга трансферни ташкил қилишни айтган, бироқ «нерадзуррилар» ўз собиқ сардорининг хизматидан бош тортган.

Эслатиб ўтамиз, Икарди бунгача «Интер»да 6 мавсум ўтказган ва шу вақт ичида у 100 дан ортиқ гол урган ва клуб тарихидаги энг яхши тўпурарлар 10талигига кўтарилганди.

Ўтган ёзда Мауро «ПСЖ»дан 10 миллион евро эвазига «Галатасарой»га ўтди.

Аргентиналик футболчи ўтган мавсумда ҳам ижара асосида турк жамоасида ўйнади. Икардининг жорий мавсум Туркия чемпионатида 7 та голи бор.