Himoyachi Jerom Boateng «Bavariya»ga qaytishi mumkin.
Myunxen klubi rahbarlari 35 yoshli futbolchi bilan qisqa muddatli shartnoma imzolashga moyil, biroq hanuz bu borada xavotirlar mavjud.
Sky xabariga ko‘ra, «qizil mashina» lageridagi yakuniy qaror juma kuni qabul qilinadi.
Qayd etilishicha, «Bavariya» yetakchilari Boatengning jismoniy tayyorgarligi yuqoriligidan hayratda.
Shu bilan birga myunxenliklar qishki transferlar oynasi oldidan uchta markaziy himoyachidan foydalanish variantini ko‘rib chiqmoqda.
Jerom Boateng 2011-2021 yillarda «Bavariya»da o‘ynagan.
