Ҳимоячи Жером Боатенг «Бавария»га қайтиши мумкин.
Мюнхен клуби раҳбарлари 35 ёшли футболчи билан қисқа муддатли шартнома имзолашга мойил, бироқ ҳануз бу борада хавотирлар мавжуд.
Sky хабарига кўра, «қизил машина» лагеридаги якуний қарор жума куни қабул қилинади.
Қайд этилишича, «Бавария» етакчилари Боатенгнинг жисмоний тайёргарлиги юқорилигидан ҳайратда.
Шу билан бирга мюнхенликлар қишки трансферлар ойнаси олдидан учта марказий ҳимоячидан фойдаланиш вариантини кўриб чиқмоқда.
Жером Боатенг 2011-2021 йилларда «Бавария»да ўйнаган.