Madridning “Real” klubi bosh murabbiyi Karlo Anchelotti qishki transfer oynasida yarim himoyachi Luka Modrichni tark etmasligini aytdi. Shu bilan birga, italiyalik mutaxassis xorvatiyalik tajribali futbolchining jamoadagi hozirgi holatidan norozi ekanini tan oldi.
“Men Modrich bilan har kuni gaplashaman. U aniq baxtsiz, lekin u hali ham yuqori motivasiyaga ega. Kiyinish xonasida unga o‘xshagan odam yo‘q, u yetakchi. Uning ahamiyati maksimal darajada. U hammamizga yoqadi.
Modrichning kamroq o‘ynagani barchamizga - futbolchilarga, menga ta’sir qiladi. Ammo uning motivasiyasi o‘zgarmadi. Luka hamon o‘ynashdan, g‘alaba qozonishdan va jamoaga yordam berishdan xursand", - dedi Anchelotti jurnalistlarga.
