Мадриднинг “Реал” клуби бош мураббийи Карло Анчелотти қишки трансфер ойнасида ярим ҳимоячи Лука Модрични тарк этмаслигини айтди. Шу билан бирга, италиялик мутахассис хорватиялик тажрибали футболчининг жамоадаги ҳозирги ҳолатидан норози эканини тан олди.

“Мен Модрич билан ҳар куни гаплашаман. У аниқ бахтсиз, лекин у ҳали ҳам юқори мотивацияга эга. Кийиниш хонасида унга ўхшаган одам йўқ, у етакчи. Унинг аҳамияти максимал даражада. У ҳаммамизга ёқади.

Модричнинг камроқ ўйнагани барчамизга - футболчиларга, менга таъсир қилади. Аммо унинг мотивацияси ўзгармади. Лука ҳамон ўйнашдан, ғалаба қозонишдан ва жамоага ёрдам беришдан хурсанд", - деди Анчелотти журналистларга.