Italiya terma jamoasining sobiq hujumchisi Mario Balotelli qaysi darvozabonlar uni ko‘proq hayratga solganini aytdi.

Ayni damda Turkiyaning “Adana Demirspor” jamoasida to‘p tepayotgan 33 yoshli futbolchi bungacha “Inter”, “Manchester Siti”, “Milan”, “Liverpul” va boshqa nufuzli klublarda to‘p tepgan.

Forvardning so‘zlariga ko‘ra, uning xotirasidagi eng yaxshi darvozabonlik ko‘rsatkichini 2009/10 yilgi mavsumda braziliyalik Julio Sezar ko‘rsatgan: “Sezarni aytaman, chunki “Inter” treblga erishgan yili u haqiqiy o‘zga sayyoralik edi – nafaqat o‘yinlarda, balki har bir mashg‘ulotda ham. Agar biz butun karyeraga bir butun sifatida baho beradigan bo‘lsak, menimcha, dunyoning eng yaxshisi deb Buffonni tanlagan bo‘lardim", - deya Balotellining so‘zlarini keltiradi TMW.