"Manchester Yunayted" markaziy himoyachisi Xarri Maguayr qishki transfer oynasida jamoasini almashtirishi mumkin.
30 yoshli futbolchi "Qizil iblislar"ni yozda tark etishi mumkin edi, o‘shanda "Vest Xem" unga qiziqish bildirgandi, biroq "bolg‘achilar" bilan kelishuvga erishib bo‘lmadi. Jurnalist Ekrem Konurning so‘zlariga ko‘ra, "Manchester Yunayted" yanvarda Maguayr bilan xayrlashishga tayyor - angliyalik futbolchi qishda unga yangi klub izlashga ruxsat berilishi haqida allaqachon ma’lum qilingan. Futbolchiga nomi oshkor etilmagan Premyer-liga va MLS vakillari qiziqish bildirmoqda.
Joriy mavsumda Maguayr Erik ten Xag jamoasining barcha turnirlarda faqat uchta o‘yinida qatnashdi.