"Манчестер Юнайтед" марказий ҳимоячиси Харри Магуайр қишки трансфер ойнасида жамоасини алмаштириши мумкин.
30 ёшли футболчи "Қизил иблислар"ни ёзда тарк этиши мумкин эди, ўшанда "Вест Хэм" унга қизиқиш билдирганди, бироқ "болғачилар" билан келишувга эришиб бўлмади. Журналист Экрем Конурнинг сўзларига кўра, "Манчестер Юнайтед" январда Магуайр билан хайрлашишга тайёр - англиялик футболчи қишда унга янги клуб излашга рухсат берилиши ҳақида аллақачон маълум қилинган. Футболчига номи ошкор этилмаган Премьер-лига ва МЛС вакиллари қизиқиш билдирмоқда.
Жорий мавсумда Магуайр Эрик тен Хаг жамоасининг барча турнирларда фақат учта ўйинида қатнашди.