«Manchester Yunayted» bosh murabbiyi Erik ten Xag Angliya premyer-ligasi doirasidagi «Brentford»ga qarshi o‘yindan oldingi fikrlari bilan o‘rtoqlashdi.
«Brentford» har doim qiyin raqib. Bu jamoa doimo g‘ayratli va yaxshi tayyorlangan. Bu qiyin bo‘ladi, shuning uchun biz bor kuchimizni maydonda qoldirishimiz kerak.
Agar biz yaxshi o‘yin ko‘rsatsak, g‘alaba qozonish uchun yaxshi imkoniyatga ega bo‘lamiz», dedi Ten Xag matbuot anjumanida.
Eslatib o‘tamiz, o‘tgan mavsumda «Manchester Yunayted» safarda «Brentford»ga 0:4 hisobida mag‘lub bo‘lgandi.
Ushbu mavsumda Erik ten Xag jamoasi barcha turnirlarda oltita mag‘lubiyatga uchradi - ulardan 4 tasi Premyer-ligada bo‘lgan.
