«Atletiko Madrid» bosh murabbiyi Diyego Simeone «Real Sosyedad»ni Chempionlar ligasi yo‘llanmasi uchun kurashda o‘z jamoasiga raqobatchi deb hisoblaydimi, degan savolga javob berdi.
Ispaniya La Ligasining navbatdagi turida «matraschilar» basklar bilan uchrashadi.
«Men «Real Sosyedad»ni Chempionlar ligasi yo‘llanmasi uchun kurashda raqib deb bilamanmi? Oxirgi ikki yil ichida jamoa hamma narsani isbotladi. «Real Sosyedad» tobora yaxshilanmoqda», – dedi Simeone.
Eslatib o‘tamiz, «Atletiko» ayni damda Ispaniya chempionatida beshinchi o‘rinni egallab turibdi. «Real Sosyedad»da bir ochko kam va oltinchi o‘rinda bormoqda.
