«Атлетико Мадрид» бош мураббийи Диего Симеоне «Реал Сосьедад»ни Чемпионлар лигаси йўлланмаси учун курашда ўз жамоасига рақобатчи деб ҳисоблайдими, деган саволга жавоб берди.
Испания Ла Лигасининг навбатдаги турида «матрасчилар» басклар билан учрашади.
«Мен «Реал Сосьедад»ни Чемпионлар лигаси йўлланмаси учун курашда рақиб деб биламанми? Охирги икки йил ичида жамоа ҳамма нарсани исботлади. «Реал Сосьедад» тобора яхшиланмоқда», – деди Симеоне.
Эслатиб ўтамиз, «Атлетико» айни дамда Испания чемпионатида бешинчи ўринни эгаллаб турибди. «Реал Сосьедад»да бир очко кам ва олтинчи ўринда бормоқда.
