Germaniyaning «RB Leypsig» klubi hujumchisi Lui Openda Angliya premyer-ligasiga o‘tishi mumkin, bu haqda Football Transfers jurnalistlari xabar bermoqda.

Manbaga ko‘ra, 23 yoshli belgiyalik forvardni sotib olishga Londonning «Chelsi» klubi qiziqish bildirmoqda.

«Aristokratlar» rahbarlari yanvardagi transfer oynasida Openda bilan shartnoma imzolashga harakat qilishadi.

Joriy mavsumda hujumchi 11 ta uchrashuvda ishtirok etib, 5 ta gol va 2 ta golli uzatmaga mualliflik qilgan. Uning tovon puli 70 million yevroni tashkil etadi.