"Brentford" bosh murabbiyi Tomas Frank jamoasining "Manchester Yunayted"dan uchralgan mag‘lubiyati (1:2) haqida fikr bildirdi.
“Asalarilar” “Old Trafford”da g‘alaba qozonishga yaqin keldi, biroq 93 va 97-daqiqalarda gol o‘tkazib yubordi.
“Bunday daqiqalarda siz futbol shafqatsiz ekanligini tushunasiz. O‘ylaymanki, biz bugun ko‘p ishlarni to‘g‘ri qildik va birinchi bo‘lim biz uchun deyarli mukammal bo‘ldi - biz qattiq pressing qildik, qarshi hujumga o‘tdik va munosib tarzda oldinga chiqib oldik. Albatta, biz ikkinchi bo‘limda bosim ostida qolishimizni bilardik, lekin yaxshi himoyalandik va 93-daqiqagacha raqibimizga gol urishga yo‘l qo‘ymadik”, — deya Frank so‘zlarini keltiradi BBC.
