"Брентфорд" бош мураббийи Томас Франк жамоасининг "Манчестер Юнайтед"дан учралган мағлубияти (1:2) ҳақида фикр билдирди.

“Асаларилар” “Олд Траффорд”да ғалаба қозонишга яқин келди, бироқ 93 ва 97-дақиқаларда гол ўтказиб юборди.

“Бундай дақиқаларда сиз футбол шафқатсиз эканлигини тушунасиз. Ўйлайманки, биз бугун кўп ишларни тўғри қилдик ва биринчи бўлим биз учун деярли мукаммал бўлди - биз қаттиқ прессинг қилдик, қарши ҳужумга ўтдик ва муносиб тарзда олдинга чиқиб олдик. Албатта, биз иккинчи бўлимда босим остида қолишимизни билардик, лекин яхши ҳимояландик ва 93-дақиқагача рақибимизга гол уришга йўл қўймадик”, — дея Франк сўзларини келтиради BBC.