Madridning “Atletiko” klubi bosh murabbiyi Diyego Simeone “Real Sosyedad”ga qarshi Ispaniya chempionatining 9-tur uchrashuvi natijasi haqida gapirdi. Uchrashuv “matraschilar”ning 2:1 hisobidagi g‘alabasi bilan yakunlandi.
“Biz birinchi bo‘limni ajoyib o‘tkazdik, shundan so‘ng qarshi hujumda o‘ynashga harakat qildik. Raqiblarga qarshi o‘ynash oson bo‘lmadi, ular maydonda o‘zlarini ancha dadil tutishdi va to‘pni nazorat qilishga ko‘p harakat qilishdi. O‘ylaymanki, biz ularning yarim himoyasini juda yaxshi nazorat qildik", - deya argentinalik murabbiyning so‘zlarini keltiradi Marca gazetasi.
Ushbu g‘alabadan so‘ng “Atletiko” 19 ochko jamg‘arib, Ispaniya chempionati turnir jadvalida to‘rtinchi o‘rinda bormoqda. Madridliklar peshqadam “Real Madrid”dan 5 ochko ortda qolmoqda.
