Мадриднинг “Атлетико” клуби бош мураббийи Диего Симеоне “Реал Сосьедад”га қарши Испания чемпионатининг 9-тур учрашуви натижаси ҳақида гапирди. Учрашув “матрасчилар”нинг 2:1 ҳисобидаги ғалабаси билан якунланди.

“Биз биринчи бўлимни ажойиб ўтказдик, шундан сўнг қарши ҳужумда ўйнашга ҳаракат қилдик. Рақибларга қарши ўйнаш осон бўлмади, улар майдонда ўзларини анча дадил тутишди ва тўпни назорат қилишга кўп ҳаракат қилишди. Ўйлайманки, биз уларнинг ярим ҳимоясини жуда яхши назорат қилдик", - дея аргентиналик мураббийнинг сўзларини келтиради Marca газетаси.

Ушбу ғалабадан сўнг “Атлетико” 19 очко жамғариб, Испания чемпионати турнир жадвалида тўртинчи ўринда бормоқда. Мадридликлар пешқадам “Реал Мадрид”дан 5 очко ортда қолмоқда.