"Arsenal" hujumchisi Gabriel Jezus faoliyatini Italiyada davom ettirishi mumkin, deya xabar beradi Express.
Manbaga ko‘ra, 26 yoshli braziliyalik forvard "Napoli" hujumchisi Viktor Osimxenni London klubiga o‘tkazish bo‘yicha kelishuvning bir qismi bo‘lishi mumkin.
Avvalroq, 24 yoshli nigeriyalik futbolchi "Napoli"ning rasmiy TikTok akkauntida e’lon qilingan videodan g‘azablangan edi. Videoda o‘yinchining penaltidan so‘ragani va keyin uni amalga oshirmagani masxara qilingan. Futbolchi jamoa libosidagi barcha suratlarni o‘chirib tashlagan, shuningdek, u klubni sudga berishi mumkinligi ham xabar qilingandi.
Joriy mavsumda Jezus 8 ta o‘yinda maydonga tushib, 3 ta gol urdi. Osimxen "Napoli" safida 10 ta o‘yinda 6 ta gol va 1 golli uzatmaga ega.