"Арсенал" ҳужумчиси Габриэль Жезус фаолиятини Италияда давом эттириши мумкин, дея хабар беради Express.
Манбага кўра, 26 ёшли бразилиялик форвард "Наполи" ҳужумчиси Виктор Осимхенни Лондон клубига ўтказиш бўйича келишувнинг бир қисми бўлиши мумкин.
Аввалроқ, 24 ёшли нигериялик футболчи "Наполи"нинг расмий ТикТок аккаунтида эълон қилинган видеодан ғазабланган эди. Видеода ўйинчининг пенальтидан сўрагани ва кейин уни амалга оширмагани масхара қилинган. Футболчи жамоа либосидаги барча суратларни ўчириб ташлаган, шунингдек, у клубни судга бериши мумкинлиги ҳам хабар қилинганди.
Жорий мавсумда Жезус 8 та ўйинда майдонга тушиб, 3 та гол урди. Осимхен "Наполи" сафида 10 та ўйинда 6 та гол ва 1 голли узатмага эга.