"Barselona" o‘z o‘yinlarining televideniyeda yoritilishidan norozi.

Diario Sport xabariga ko‘ra, klub rahbariyati La Liga "Barsa"ga hurmatsizlik bilan munosabatda bo‘lmoqda, deb hisoblamoqda. G‘azabning so‘nggi sababi, "Granada" bilan o‘yinda jarima maydonchasi ichida Andreas Kristensenning futbolkasini ushlab olish vaziyati (2:2) faqat bir marta qayta ko‘rsatilgani bo‘ldi.

"Barselona"ning fikricha, bunday mayda-chuydalar hozir tasodifiy emas va tizimli xarakterga ega, shuning uchun ham xolislik yo‘qolmoqda.

Rahbarlar bosh murabbiy Xavi haqida efirda aytilgan bir qancha salbiy fikrlarni ham qayd etishdi. Bundan tashqari, ular birinchi marta emas, 43 yoshli mutaxassisning hakamlarga da’vo qilgan barcha epizodlari imkon qadar batafsil ko‘rsatilganiga, raqiblarining shiddatli noroziliklari esa ba’zan efirda umuman aks ettirilmasligidan norozi.

Ta’kidlanishicha, "Barselona" o‘yinlardagi tanaffus vaqtida televideniye vakillari bilan muloqot qilishdan bosh tortishni norozilik belgisi deb biladi.