"Барселона" ўз ўйинларининг телевидениеда ёритилишидан норози.
Diario Sport хабарига кўра, клуб раҳбарияти Ла Лига "Барса"га ҳурматсизлик билан муносабатда бўлмоқда, деб ҳисобламоқда. Ғазабнинг сўнгги сабаби, "Гранада" билан ўйинда жарима майдончаси ичида Андреас Кристенсеннинг футболкасини ушлаб олиш вазияти (2:2) фақат бир марта қайта кўрсатилгани бўлди.
"Барселона"нинг фикрича, бундай майда-чуйдалар ҳозир тасодифий эмас ва тизимли характерга эга, шунинг учун ҳам холислик йўқолмоқда.
Раҳбарлар бош мураббий Хави ҳақида эфирда айтилган бир қанча салбий фикрларни ҳам қайд этишди. Бундан ташқари, улар биринчи марта эмас, 43 ёшли мутахассиснинг ҳакамларга даъво қилган барча эпизодлари имкон қадар батафсил кўрсатилганига, рақибларининг шиддатли норозиликлари эса баъзан эфирда умуман акс эттирилмаслигидан норози.
Таъкидланишича, "Барселона" ўйинлардаги танаффус вақтида телевидение вакиллари билан мулоқот қилишдан бош тортишни норозилик белгиси деб билади.
