Ispaniyalik yarim himoyachi Gabriel Veyga Saudiya Arabistoni chempionatiga o‘tishi haqida gapirdi. Yozgi transferlar vaqtida yarim himoyachi «Al-Ahli» klubi bilan shartnoma imzoladi.
«Men bu yerga faqat pul uchun kelganim yo‘q. Bu mening karyeramni rivojlantirish uchun eng yaxshi variant.
Men jahon darajasidagi ko‘plab yulduzlar to‘plangan ligada o‘saman. Bu qarorni tanlaganimdan xursandman va faxrlanaman. Ikki yil oldin bu yerda o‘ynashimni tasavvur ham qila olmasdim. Endi men baxtliman», - deya futbolchining so‘zlarini ijtimoiy tarmoqlarda keltirgan insayder Fabrisio Romano.
